Расширенный поиск
27 Апреля 2024 года
Логин: Регистрация
Пароль: Забыли пароль?
Навигация
Словарь
  • Уясында не кёрсе, учханында аны этер.
  • Хансыз джомакъ болмаз.
  • Чабакъгъа акъыл, табагъа тюшсе келеди.
  • Тилсиз миллет джокъ болур.
  • Татлы тилде – сёз ариу, чемер къолда – иш ариу.
  • Билими азны – ауузунда кирит.
  • Эли джокъну – кёлю джокъ.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Байны оноуу, джарлыгъа джарамаз.
  • Ашына кёре табагъы, балына кёре къалагъы.
  • Суугъа – таянма, джаугъа – ийнанма.
  • Насыблы элин сюер, насыбсыз кесин сюер.
  • Ат басханны джер билед.
  • Эки ойлашыб, бир сёлешген.
  • Аманнга да, игиге да оноусуз къатышма.
  • Таш ата билмеген, башына урур.
  • Адеб джокъда, намыс джокъ.
  • Ургъан суудан башынгы сакъла.
  • Экеулен сёлеше тура эселе, орталарына барыб кирме.
  • Таукел адам тау тешер.
  • Башда акъыл болмаса, эки аякъгъа кюч джетер.
  • Чабар ат – джетген къыз.
  • Тёрени джагъы джокъ.
  • Биреуню тёрюнден, кесинги эшик артынг игиди.
  • Сабыр джетер муратха, сабырсыз къалыр уятха.
  • Джангызны оту джарыкъ джанмаз!
  • Джеринден айырылгъан – джети джылар, джуртундан айырылгъан – ёлгюнчю джылар.
  • Адамны артындан къара сабан сюрме.
  • Тойгъандан сора, ашны сёкме.
  • Аман къатын сабий табса, бий болур…
  • Биреуге аманлыкъны тилеме да, кесинге ашхылыкъны тиле.
  • Сёз къанатсыз учар.
  • Тамчы таш тешер.
  • Кёз – сюйген джерде, къол – ауругъан джерде.
  • Ариу сёз – джаннга азыкъ, аман сёз – башха къазыкъ.
  • Ач къалгъандан, кеч къалгъан къолай.
  • Термилгенинги табмазса, кюлгенинге тюберсе.
  • Сууда джау джокъ, кёб сёзде магъана джокъ.
  • Ачлыкъ отха секиртир.
  • Сабий кёргенин унутмаз.
  • Тиширыусуз юй – отсуз от джагъа.
  • Къарт бла баш аша, джаш бла аякъ аша.
  • Алгъанда – джууукъ, бергенде – джау.
  • Кёб къычыргъандан – къоркъма, тынч олтургъандан – къоркъ.
  • Уллу атлама – абынырса, уллу къабма – къарылырса.
  • Кюн – узун, ёмюр – къысха.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Къарнынг ауруса, ауузунгу тый
  • Ашлыкъ – бюртюкден, джюн – тюкден.
  • Ёнгкюч къууана барыр, джылай келир.